Italiyaning «Milan» klubi sobiq darvozaboni Kristian Abbyati ko‘p yillardan beri katta umidlar berayotgan, ammo o‘z salohiyatini haligacha to‘liq namoyon eta olmayotgan Rafael Leauning o‘yinlari haqida fikr bildirdi.
«Menimcha, Leauda hamma narsa bor. Unga nimadir yetishmayapti deb aytishdan ma’no yo‘q. Men sifatli o‘ynaydigan va yuguradigan futbolchini ko‘ryapman. Faqat barqarorlik yetishmayapti, u shunaqa — gohida o‘yin taqdirini hal qiladi, gohida esa maydonda ko‘rinmay qoladi. Bu borada hech narsa qilib bo‘lmaydi», — deya Abbyatining so‘zlarini keltiradi pianetamilan.it.
Eslatib o‘tamiz, Leau «Milan» tarkibida 2019 yildan beri to‘p tepib kelmoqda.
