Италиянинг «Милан» клуби собиқ дарвозабони Кристиан Аббьяти кўп йиллардан бери катта умидлар бераётган, аммо ўз салоҳиятини ҳалигача тўлиқ намоён эта олмаётган Рафаэль Леаунинг ўйинлари ҳақида фикр билдирди.
«Менимча, Леауда ҳамма нарса бор. Унга нимадир етишмаяпти деб айтишдан маъно йўқ. Мен сифатли ўйнайдиган ва югурадиган футболчини кўряпман. Фақат барқарорлик етишмаяпти, у шунақа — гоҳида ўйин тақдирини ҳал қилади, гоҳида эса майдонда кўринмай қолади. Бу борада ҳеч нарса қилиб бўлмайди», — дея Аббьятининг сўзларини келтиради pianetamilan.it.
Эслатиб ўтамиз, Леау «Милан» таркибида 2019 йилдан бери тўп тепиб келмоқда.
