«Real Madrid» sobiq darvozaboni Santyago Kanisares «Alaves»ga qarshi o‘yinda (2:1) Dani Karvaxalni zaxirada qoldirgani uchun Alvaro Arbeloani keskin tanqid qildi.
«Karvaxal — «Real» afsonasi. Agar u jarohat olgan bo‘lsa yoki sport formasida bo‘lmasa ham... Mayli, uni maydonga tushirishsin va buni hamma ko‘rsin. Dani Karvaxal «Real» uchun shunchalik muhim figuraki, unga nisbatan zarracha bo‘lsa-da adolat va insof ko‘rsatish kerak edi.
Biz bu voqeaning tafsilotlarini bilmaymiz. Balki bu uning murabbiy bilan munosabatlari yoki shartnomasi tugayotgani bilan bog‘liqdir... Lekin Karvaxal kabi yuqori kalibrli futbolchining bu mavsumda o‘yin amaliyotiga ega bo‘lmayotgani — bu hurmatsizlik. Bechora. Karvaxal Arbeloa tomonidan bunday munosabatga loyiq emas! U bunga loyiq emas.
Bu murabbiyning adovatimi yoki boshqa narsami, bilmayman. Chunki o‘z vaqtida Karvaxal himoyada uning o‘rnini egallab, unga: «O‘z joyingga qayt, chunki bu yerda men o‘ng qanot himoyachisi bo‘laman va sendan ko‘ra yorqinroq o‘ynayman», degan edi», — dedi Kanisares COPE Tiempo de Juego dasturida.
