«Реал Мадрид» собиқ дарвозабони Сантьяго Канисарес «Алавес»га қарши ўйинда (2:1) Дани Карвахални захирада қолдиргани учун Альваро Арбелоани кескин танқид қилди.
«Карвахаль — «Реал» афсонаси. Агар у жароҳат олган бўлса ёки спорт формасида бўлмаса ҳам... Майли, уни майдонга туширишсин ва буни ҳамма кўрсин. Дани Карвахаль «Реал» учун шунчалик муҳим фигураки, унга нисбатан заррача бўлса-да адолат ва инсоф кўрсатиш керак эди.
Биз бу воқеанинг тафсилотларини билмаймиз. Балки бу унинг мураббий билан муносабатлари ёки шартномаси тугаётгани билан боғлиқдир... Лекин Карвахаль каби юқори калибрли футболчининг бу мавсумда ўйин амалиётига эга бўлмаётгани — бу ҳурматсизлик. Бечора. Карвахаль Арбелоа томонидан бундай муносабатга лойиқ эмас! У бунга лойиқ эмас.
Бу мураббийнинг адоватими ёки бошқа нарсами, билмайман. Чунки ўз вақтида Карвахаль ҳимояда унинг ўрнини эгаллаб, унга: «Ўз жойингга қайт, чунки бу ерда мен ўнг қанот ҳимоячиси бўламан ва сендан кўра ёрқинроқ ўйнайман», деган эди», — деди Канисарес COPE Tiempo de Juego дастурида.
