Rimning «Lasio» klubi ustozi Maurisio Sarri jamoasining Italiya Kubogi finaliga chiqqani haqida o‘z fikrlari bilan o‘rtoqlashdi. Ikki o‘yin natijasiga ko‘ra «burgutlar» «Atalanta»dan ustun kelishdi.

«Bu biz uchun katta sayohat bo‘ldi. Biz Kubokning o‘tgan mavsumdagi ikki finalchisini musobaqadan chiqarib yubordik. Endi esa «Atalanta»dan kuchliroq ekanimizni isbotladik. Finalga chiqqanimizdan juda xursandmiz. Bu mavsum biz uchun juda og‘ir kechdi», — deya mutaxassisning so‘zlarini keltiradi Sportmediaset.

Final bahsida Rim klubiga «Komo»ni mag‘lub etgan Milanning «Inter» jamoasi raqiblik qiladi. Ma’lumot uchun, hozirda A Seriya turnir jadvalida «Lasio» to‘qqizinchi, «neradzurrilar» esa birinchi o‘rinni egallab turibdi.