«Manchester Yunayted» sardori Brunu Fernandesh katta ehtimol bilan yaqinlashib kelayotgan transfer oynasida jamoasini o‘zgartirmaydi. Jurnalist Samuel Lakxyorstning xabar berishicha, «qizil iblislar» rahbariyati yarim himoyachiga uni kelayotgan yozda har qanday holatda ham sotishmasligini aniq tushuntirgan.
Mankunianliklar boshliqlari portugaliyalik futbolchini loyihaning asosiy figurasi deb hisoblashadi va uning atrofida yangi jamoa qurishga tayyor. Klubda 31 yoshli futbolchining joriy mavsumdagi o‘yinidan juda mamnunlar. Fernandesh hozirda Premyer-liganing assistlar (golli uzatmalar) bo‘yicha rekordini yangilash sari bormoqda — uning hisobida 30 ta o‘yinda 18 ta golli pas bor. Shuningdek, xavbek 8 ta golga ham mualliflik qilgan.
Brununing amaldagi shartnomasi 2027 yilgacha mo‘ljallangan va unda kelishuvni yana bir yilga avtomatik tarzda uzaytirish bandi mavjud.
