«Barselona» va Niderlandiya terma jamoasi yarim himoyachisi Frenki de Yong o‘z milliy jamoasini JCH-2026 favoriti deb hisoblamasligini ma’lum qildi.
«Men Niderlandiyani Jahon chempionatida g‘olib chiqish uchun asosiy nomzodlardan biri sifatida ko‘rmayapman. Menimcha, biz favorit davlatlardan bir pog‘ona pastroqdamiz.
Biz Jahon chempionatida zafar quchishimiz mumkin. Agar Argentina bilan yana to‘qnash kelsak, ajoyib bo‘lardi. So‘nggi o‘yinimiz o‘ziga xos kechgan edi. Biroq bu haqida ko‘p gapirib o‘tirmayman, ularni qo‘shimcha ruhlantirib (motivasiya berib) qo‘yishni istamayman», — dedi de Yong.
