«Arsenal» hujumchisi Bukayo Saka Chempionlar ligasi yarim finali doirasidagi «Atletiko»ga qarshi birinchi o‘yingacha sog‘ayib safga qaytadi, deb xabar bermoqda Daily Mail Sport.
24 yoshli ingliz futbolchisi axill payidagi muammolar sababli mart oyi oxiridan beri maydonga tusha olmayapti. U jami beshta o‘yinni, jumladan, Chempionlar ligasi chorak finalidan o‘rin olgan «Sporting»ga qarshi ikkala bahsni ham o‘tkazib yubordi.
«Arsenal» — «Atletiko» uchrashuvi 29 aprel kuni bo‘lib o‘tadi. O‘yin Toshkent vaqti bilan soat 00:00 da (30 aprelga o‘tar kechasi) boshlanadi.
