«Арсенал» ҳужумчиси Букайо Сака Чемпионлар лигаси ярим финали доирасидаги «Атлетико»га қарши биринчи ўйингача соғайиб сафга қайтади, деб хабар бермоқда Daily Mail Sport.
24 ёшли инглиз футболчиси ахилл пайидаги муаммолар сабабли март ойи охиридан бери майдонга туша олмаяпти. У жами бешта ўйинни, жумладан, Чемпионлар лигаси чорак финалидан ўрин олган «Спортинг»га қарши иккала баҳсни ҳам ўтказиб юборди.
«Арсенал» — «Атлетико» учрашуви 29 апрель куни бўлиб ўтади. Ўйин Тошкент вақти билан соат 00:00 да (30 апрелга ўтар кечаси) бошланади.
