Kelib chiqishi turk bo‘lgan germaniyalik sobiq futbolchi Nuri Shahin o‘z vaqtida Madridning «Real» klubida to‘p tepishga ulgurgan. Garchi Madriddagi faoliyati kutilganidek muvaffaqiyatli chiqmagan bo‘lsa-da, Shahin klubni yuqori baholaydi va u haqda juda iliq xotiralarni saqlab qolgan.
«Men uchun «Real»da o‘ynash orzuning ijobati edi. Bu haqda farzandlarim va nabiralarimga faxr bilan gapirib bera olaman. Ispaniya futbolida ko‘rganlarim unutilmasdir. Men Marselo, Ronaldu, Pepe, Ramos, Benzema va Kaka kabi buyuk futbolchilar bilan birga o‘ynaganman», — deya Shahinning so‘zlarini keltiradi derbyderbyderby.it.
Nuri Shahin 2011 yildan 2014 yilgacha «qirollik klubi» libosini kiygan edi.
