Келиб чиқиши турк бўлган германиялик собиқ футболчи Нури Шаҳин ўз вақтида Мадриднинг «Реал» клубида тўп тепишга улгурган. Гарчи Мадриддаги фаолияти кутилганидек муваффақиятли чиқмаган бўлса-да, Шаҳин клубни юқори баҳолайди ва у ҳақда жуда илиқ хотираларни сақлаб қолган.
«Мен учун «Реал»да ўйнаш орзунинг ижобати эди. Бу ҳақда фарзандларим ва набираларимга фахр билан гапириб бера оламан. Испания футболида кўрганларим унутилмасдир. Мен Марсело, Роналду, Пепе, Рамос, Бензема ва Кака каби буюк футболчилар билан бирга ўйнаганман», — дея Шаҳиннинг сўзларини келтиради derbyderbyderby.it.
Нури Шаҳин 2011 йилдан 2014 йилгача «қироллик клуби» либосини кийган эди.
