Kastiliya va Leon Oliy sudi «Liverpul» hamda Portugaliya terma jamoasi sobiq hujumchisi Diogu Jotaning 2025 yil yozidagi vafoti fakti bo‘yicha jinoyat ishi qo‘zg‘atishni rad etdi. Sud futbolchi bilan bog‘liq hodisada jinoiy alomatlarni qidirish uchun asoslar topmadi.
The Athletic nashrining ma’lumotiga ko‘ra, dalillar yo‘qligi sababli ishni ko‘rib chiqish 2025 yilning noyabr oyidayoq to‘xtatilgan edi.
Eslatib o‘tamiz, Jota 2025 yil 3 iyul kuni Ispaniyada amakivachchasi bilan birga avtomobil halokatiga uchrab, hayotdan ko‘z yumgan edi. «Liverpul» klubi portugaliyalik futbolchi to‘p surgan 20-raqamni muomaladan chiqargan.
