«Manchester Yunayted» sardori Brunu Fernandesh jamoaning hozirgi bosh murabbiy Maykl Kerrik qo‘l ostida qayd etayotgan natijalari haqida fikr bildirdi. Angliyalik mutaxassis yanvar oyida Ruben Amorimning o‘rnini egallab, lavozimga kirishgan edi.
33-turdan so‘ng «qizil iblislar» turnir jadvalida uchinchi o‘rinni egallab turibdi — Chempionlar ligasi yo‘llanmasi deyarli kafolatlangan.
«Biz ajoyib natijalarga erishdik. APLda raqobat juda kuchli, ammo hozir biz kutganimizdan ham yaxshiroq ketyapmiz. Maykl kelgan vaqtda uchinchi o‘ringa ko‘tarilishimizni xayolimizga ham keltirmagan edik», — dedi Fernandesh klub afsonasi Ueyn Runi bilan suhbatda.
Dushanba kuni, 27 aprel sanasida «MYU» o‘z maydonida «Brentford»ni qabul qiladi.
