«Манчестер Юнайтед» сардори Бруну Фернандеш жамоанинг ҳозирги бош мураббий Майкл Кэррик қўл остида қайд этаётган натижалари ҳақида фикр билдирди. Англиялик мутахассис январь ойида Рубен Аморимнинг ўрнини эгаллаб, лавозимга киришган эди.
33-турдан сўнг «қизил иблислар» турнир жадвалида учинчи ўринни эгаллаб турибди — Чемпионлар лигаси йўлланмаси деярли кафолатланган.
«Биз ажойиб натижаларга эришдик. АПЛда рақобат жуда кучли, аммо ҳозир биз кутганимиздан ҳам яхшироқ кетяпмиз. Майкл келган вақтда учинчи ўринга кўтарилишимизни хаёлимизга ҳам келтирмаган эдик», — деди Фернандеш клуб афсонаси Уэйн Руни билан суҳбатда.
Душанба куни, 27 апрель санасида «МЮ» ўз майдонида «Брентфорд»ни қабул қилади.
