«Yuventus» markaziy himoyachisi Gleyson Bremer transfer mish-mishlari fonida o‘z kelajagi borasida bir qarorga keldi. Corriere dello Sport nashri bergan ma’lumotga ko‘ra, braziliyalik futbolchi Turin klubida qolish niyatida.
Manbaning ta’kidlashicha, Bremer «Liverpul» va «Nyukasl» kabi klublarning qiziqishiga qaramay, Italiya jamoasi bilan mehnat shartnomasini uzaytirishga tayyor.
Joriy mavsumda himoyachi «Yuventus» mudofaa chizig‘ining asosiy o‘yinchisiga aylandi. U barcha turnirlarda 27 ta uchrashuv o‘tkazib, o‘z hisobiga to‘rtta gol va uchta golli uzatmani yozdirib qo‘yishga muvaffaq bo‘ldi.
Bremerning Turin klubi bilan amaldagi shartnomasi 2029 yilda o‘z nihoyasiga yetadi.
