«Ювентус» марказий ҳимоячиси Глейсон Бремер трансфер миш-мишлари фонида ўз келажаги борасида бир қарорга келди. Corriere dello Sport нашри берган маълумотга кўра, бразилиялик футболчи Турин клубида қолиш ниятида.
Манбанинг таъкидлашича, Бремер «Ливерпуль» ва «Ньюкасл» каби клубларнинг қизиқишига қарамай, Италия жамоаси билан меҳнат шартномасини узайтиришга тайёр.
Жорий мавсумда ҳимоячи «Ювентус» мудофаа чизиғининг асосий ўйинчисига айланди. У барча турнирларда 27 та учрашув ўтказиб, ўз ҳисобига тўртта гол ва учта голли узатмани ёздириб қўйишга муваффақ бўлди.
Бремернинг Турин клуби билан амалдаги шартномаси 2029 йилда ўз ниҳоясига етади.
