34-turda Londonning «Arsenal» jamoasidan mag‘lubiyatga uchragan «Nyukasl» 2026 yil hisobidan Angliya Premyer-ligasidagi to‘qqizinchi mag‘lubiyatini qabul qilib oldi. Ma’lum bo‘lishicha, bu APLda 2026 yildagi eng yomon natijadir, «Nyukasl» ushbu «anti-rekord»ni yana ikki klub — «Byornli» va Londonning «Tottenxem» jamoalari bilan bo‘lishib turibdi.
Shuningdek, «Nyukasl» joriy mavsumda allaqachon 16-mag‘lubiyatini tan oldi. Bu jamoa uchun oxirgi besh yildagi eng yomon ko‘rsatkichdir — bundan yomonroq natija 2020/2021 yilgi mavsumda qayd etilgan bo‘lib, o‘shanda klub 17 bor imkoniyatni boy bergan edi. Biroq oldinda hali to‘rtta o‘yin borligini inobatga olsak, «Nyukasl»da o‘sha ko‘rsatkichni ham «yangilash» uchun yetarlicha vaqt bor.
