34-турда Лондоннинг «Арсенал» жамоасидан мағлубиятга учраган «Ньюкасл» 2026 йил ҳисобидан Англия Премьер-лигасидаги тўққизинчи мағлубиятини қабул қилиб олди. Маълум бўлишича, бу АПЛда 2026 йилдаги энг ёмон натижадир, «Ньюкасл» ушбу «анти-рекорд»ни яна икки клуб — «Бёрнли» ва Лондоннинг «Тоттенхэм» жамоалари билан бўлишиб турибди.

Шунингдек, «Ньюкасл» жорий мавсумда аллақачон 16-мағлубиятини тан олди. Бу жамоа учун охирги беш йилдаги энг ёмон кўрсаткичдир — бундан ёмонроқ натижа 2020/2021 йилги мавсумда қайд этилган бўлиб, ўшанда клуб 17 бор имкониятни бой берган эди. Бироқ олдинда ҳали тўртта ўйин борлигини инобатга олсак, «Ньюкасл»да ўша кўрсаткични ҳам «янгилаш» учун етарлича вақт бор.