«Chelsi» bosh murabbiyi vazifasini bajaruvchi Kalum Makfarlen Mark Kukurelyaning sartaroshi haqidagi savolga javob berdi. Ma’lum bo‘lishicha, ushbu sartarosh futbolchidan jamoa yangiliklarini bilib olib, ularni ommaga «sizib» chiqargan.

«Bunday holat kelajakda takrorlanmasligini ta’minlash uchun ular bilan gaplashib oldik. Bu haqiqatan ham muhim masala ekanini tushunish lozim», — deya ishdan bo‘shatilgan Liam Rosenyorning o‘rnini vaqtincha egallab turgan Makfarlenning so‘zlarini keltiradi jurnalist Bobbi Vinsent.

Bugun «Chelsi» Angliya Kubogi yarim finalida «Uembli» stadionida «Lids»ga qarshi maydonga tushadi. Shanba kuni «Sautgempton» ustidan qiyinchilik bilan irodali g‘alabaga erishgan (2:1) «Manchester Siti» turnirning ilk finalchisiga aylangan edi.