«Челси» бош мураббийи вазифасини бажарувчи Калум Макфарлен Марк Кукурельянинг сартароши ҳақидаги саволга жавоб берди. Маълум бўлишича, ушбу сартарош футболчидан жамоа янгиликларини билиб олиб, уларни оммага «сизиб» чиқарган.
«Бундай ҳолат келажакда такрорланмаслигини таъминлаш учун улар билан гаплашиб олдик. Бу ҳақиқатан ҳам муҳим масала эканини тушуниш лозим», — дея ишдан бўшатилган Лиам Росеньорнинг ўрнини вақтинча эгаллаб турган Макфарленнинг сўзларини келтиради журналист Бобби Винсент.
Бугун «Челси» Англия Кубоги ярим финалида «Уэмбли» стадионида «Лидс»га қарши майдонга тушади. Шанба куни «Саутгемптон» устидан қийинчилик билан иродали ғалабага эришган (2:1) «Манчестер Сити» турнирнинг илк финалчисига айланган эди.
