Myunxenning «Bavariya» klubi markaziy hujumchisi Xarri Keyn Germaniya chempionatining 31-turi doirasida safarda «Mayns»ga qarshi kechgan bahsdan so‘ng o‘z fikrlarini bildirdi. Jamoa 0:3 hisobida imkoniyatni boy berayotgan edi, biroq ikkinchi bo‘limda kambek amalga oshirib, 4:3 hisobida g‘alaba qozondi.

«Birinchi bo‘lim juda qiyin o‘tdi. Biz o‘zimizning odatiy darajamizdagi futbolni ko‘rsata olmadik. Himoyada ko‘plab xatolarga yo‘l qo‘ydik. To‘p bilan ishlashda e’tiborsizlikka yo‘l qo‘ydik. Raqib esa bizning xatolarimizdan unumli foydalanib ketdi. Tanaffusdan so‘ng biz o‘yin intensivligini oshirishga qaror qildik va bor kuchimizni ishga soldik. Buni yakuniy hisobdan ham tushunib olish mumkin. Jamoa o‘z xarakterini ko‘rsata oldi», — deya ingliz futbolchisining so‘zlarini keltiradi klub matbuot xizmati.

Eslatib o‘tamiz, «Bavariya» muddatidan oldin Germaniya chempioniga aylanib bo‘lgan.