Мюнхеннинг «Бавария» клуби марказий ҳужумчиси Харри Кейн Германия чемпионатининг 31-тури доирасида сафарда «Майнц»га қарши кечган баҳсдан сўнг ўз фикрларини билдирди. Жамоа 0:3 ҳисобида имкониятни бой бераётган эди, бироқ иккинчи бўлимда камбэк амалга ошириб, 4:3 ҳисобида ғалаба қозонди.

«Биринчи бўлим жуда қийин ўтди. Биз ўзимизнинг одатий даражамиздаги футболни кўрсата олмадик. Ҳимояда кўплаб хатоларга йўл қўйдик. Тўп билан ишлашда эътиборсизликка йўл қўйдик. Рақиб эса бизнинг хатоларимиздан унумли фойдаланиб кетди. Танаффусдан сўнг биз ўйин интенсивлигини оширишга қарор қилдик ва бор кучимизни ишга солдик. Буни якуний ҳисобдан ҳам тушуниб олиш мумкин. Жамоа ўз характерини кўрсата олди», — дея инглиз футболчисининг сўзларини келтиради клуб матбуот хизмати.

Эслатиб ўтамиз, «Бавария» муддатидан олдин Германия чемпионига айланиб бўлган.