Sesk Fabregas «Komo» klubida ajoyib natijalar ko‘rsatmoqda va shu sababli matbuot uni top-klublar, xususan, «Chelsi» bilan bog‘lamoqda. Shu bilan birga, nufuzli jurnalist Fabrisio Romano o‘zining YouTube'dagi ko‘rsatuvining yangi sonida Fabregasning kelajagi haqida gapirib o‘tdi.
Romanoning ma’lumotlariga ko‘ra, «Komo» rahbariyati Fabregas keyingi mavsumni ham klubda o‘tkazishiga to‘liq ishonmoqda. Shu bilan birga, insayder Seskning o‘zi ham «Komo»da baxtli ekanini ta’kidlab o‘tdi.
Ayni damda «Komo» Italiya chempionati turnir jadvalida oltinchi pog‘onani egallab turibdi. Bugun, yakshanba kuni Fabregas jamoasi A Seriya doirasida safarda «Djenoa»ga qarshi maydonga tushadi.
