Сеск Фабрегас «Комо» клубида ажойиб натижалар кўрсатмоқда ва шу сабабли матбуот уни топ-клублар, хусусан, «Челси» билан боғламоқда. Шу билан бирга, нуфузли журналист Фабрицио Романо ўзининг YouTube'даги кўрсатувининг янги сонида Фабрегаснинг келажаги ҳақида гапириб ўтди.
Романонинг маълумотларига кўра, «Комо» раҳбарияти Фабрегас кейинги мавсумни ҳам клубда ўтказишига тўлиқ ишонмоқда. Шу билан бирга, инсайдер Сескнинг ўзи ҳам «Комо»да бахтли эканини таъкидлаб ўтди.
Айни дамда «Комо» Италия чемпионати турнир жадвалида олтинчи поғонани эгаллаб турибди. Бугун, якшанба куни Фабрегас жамоаси А Серия доирасида сафарда «Дженоа»га қарши майдонга тушади.
