«Yuventus» ustozi Luchano Spalletti Chempionlar Ligasi yo‘llanmasi uchun kechayotgan kurash haqidagi fikrlari bilan o‘rtoqlashdi. Yakshanba kuni turinliklar «San-Siro»da «Milan» bilan ochko bo‘lishishdi (0:0).

Ayni damda «byankonerilar» 64 ochko bilan «ECHL zonasi»ni yakunlab turibdi, biroq «Komo» va «Roma» ulardan unchalik ortda emas — ularda 61 ochkodan mavjud.

«Chempionlar Ligasi yo‘llanmasi uchun kurash oxirigacha davom etishi mumkin. «Roma» yaxshi temp oldi, «Komo» esa qiyin kechgan safar o‘yinida g‘alaba qozondi. O‘z o‘rnimizga loyiq ekanimizni isbotlash uchun g‘alaba qozonishga majburmiz. Aynan shunday sharoitlarda kim «Yuventus»da o‘ynashga loyiq ekani oydinlashadi», — dedi Spalletti jurnalistlar bilan suhbatda.

35-turda «Yuventus» o‘z maydonida autsayder — «Verona»ni qabul qiladi. Uchrashuv 3 may kuni bo‘lib o‘tadi.