«Ювентус» устози Лучано Спаллетти Чемпионлар Лигаси йўлланмаси учун кечаётган кураш ҳақидаги фикрлари билан ўртоқлашди. Якшанба куни туринликлар «Сан-Сиро»да «Милан» билан очко бўлишишди (0:0).
Айни дамда «бьянконерилар» 64 очко билан «ЕЧЛ зонаси»ни якунлаб турибди, бироқ «Комо» ва «Рома» улардан унчалик ортда эмас — уларда 61 очкодан мавжуд.
«Чемпионлар Лигаси йўлланмаси учун кураш охиригача давом этиши мумкин. «Рома» яхши темп олди, «Комо» эса қийин кечган сафар ўйинида ғалаба қозонди. Ўз ўрнимизга лойиқ эканимизни исботлаш учун ғалаба қозонишга мажбурмиз. Айнан шундай шароитларда ким «Ювентус»да ўйнашга лойиқ экани ойдинлашади», — деди Спаллетти журналистлар билан суҳбатда.
35-турда «Ювентус» ўз майдонида аутсайдер — «Верона»ни қабул қилади. Учрашув 3 май куни бўлиб ўтади.













