«An-Nasr» vingeri Kingsli Koman «Bavariya» va «PSJ» jamoalari o‘rtasida tanlov qildi. Myunxenliklar va parijliklar Chempionlar Ligasi yarim finalida o‘zaro to‘qnash kelishadi. Birinchi uchrashuv 28 aprel kuni «Park de Prens»da, javob bahsi esa 6 may kuni «Alyans Arena»da bo‘lib o‘tadi.
«Har ikki klub qalbimdan chuqur joy olgan, ammo «Bavariya» — men uchun yangiroq sahifa. U yerdan yaqindagina ketdim, ko‘plab do‘stlarim haliyam o‘sha yerda, klubdagi insonlarni juda yaxshi taniyman. Shu sababli, bu safar «Bavariya»ga muxlislik qilishim aniq. Biroq men favorit haqida emas, aynan shaxsiy aloqalarim haqida gapiryapman», — deya Komanning so‘zlarini keltirmoqda Bayern & Germany.
«PSJ» — fransiyalik futbolchining jonajon klubi hisoblanadi, biroq u kattalar darajasida parijliklar safida bor-yo‘g‘i to‘rtta o‘yinda maydonga tushgan. Myunxen grandi sharafini esa futbolchi 2015 yildan 2025 yilga qadar himoya qilgan.
