«Yuventus» bosh murabbiyi Luchano Spalletti hujumchi Dushan Vlaxovichning holati haqida gapirdi.

26 yoshli futbolchi o‘tgan yilning noyabr oyidan beri maydonga tushishiga to‘sqinlik qilgan jarohatidan so‘ng, mart oyida safga qaytgan edi, biroq ko‘p o‘tmay yana lazaretga yo‘l oldi. Yakshanba kuni serbiyalik hujumchi A Seriya doirasidagi «Milan»ga qarshi bahsning (0:0) so‘nggi daqiqalarida zaxiradan maydonga tushdi.

«Ikkinchi bo‘limda bizga Vlaxovich tipidagi o‘yinchi kerak edi, lekin u bu hafta yetarlicha mashg‘ulot o‘tkazmadi. Dushan uzoq vaqt safdan chiqqan edi, shu sababli uni barvaqt maydonga tushirish tavakkalchilik bo‘lardi», — dedi Spalletti matbuot anjumanida.

Hujumchining klub bilan amaldagi shartnomasi joriy mavsum yakunida o‘z nihoyasiga yetadi.