«Liverpul» hujumchisi Aleksander Isak Angliya Premyer-ligasining 34-turi doirasida kechgan «Kristal Pelas»ga qarshi bahsdan (3:1) so‘ng o‘z fikrlari bilan o‘rtoqlashdi.
«Kristal Pelas» — yaxshi raqib, ularga qarshi o‘yinlar hech qachon oson kechmaydi. O‘ylashimcha, biz ko‘p vaziyatlarda o‘zimizni ko‘rsata oldik, faqat bahs yakunida biroz asabiylashmasligimiz kerak edi. Yaxshi o‘yin namoyish etdik, ayniqsa, uchinchi golni urganimiz juda muhim bo‘ldi.
Raqibimiz — darvozasiga yo‘l topish va vaziyatlar yaratish eng qiyin bo‘lgan jamoalardan biri. Biz o‘z salohiyatimizni ko‘rsata oldik, endi faqat shu sport formasini saqlab qolishimiz kerak», — deya Isakning so‘zlarini keltirdi mersisaydliklar rasmiy sayti.
