«Ливерпуль» ҳужумчиси Александер Исак Англия Премьер-лигасининг 34-тури доирасида кечган «Кристал Пэлас»га қарши баҳсдан (3:1) сўнг ўз фикрлари билан ўртоқлашди.
«Кристал Пэлас» — яхши рақиб, уларга қарши ўйинлар ҳеч қачон осон кечмайди. Ўйлашимча, биз кўп вазиятларда ўзимизни кўрсата олдик, фақат баҳс якунида бироз асабийлашмаслигимиз керак эди. Яхши ўйин намойиш этдик, айниқса, учинчи голни урганимиз жуда муҳим бўлди.
Рақибимиз — дарвозасига йўл топиш ва вазиятлар яратиш энг қийин бўлган жамоалардан бири. Биз ўз салоҳиятимизни кўрсата олдик, энди фақат шу спорт формасини сақлаб қолишимиз керак», — дея Исакнинг сўзларини келтирди мерсисайдликлар расмий сайти.
