Londonning «Arsenal» klubi yozgi transfer oynasida hujum chizig‘ini kuchaytirish maqsadida nigeriyalik to‘purar Viktor Osimhen nomzodini ko‘rib chiqmoqda. Bu haqda Caught Offside nashri xabar tarqatdi.

Ma’lumotlarga ko‘ra, «kanonirlar» sport direktori yaqinda bo‘lib o‘tgan «Galatasaroy» va «Fenerbaxche» (3:0) o‘rtasidagi Istanbul derbisiga tashrif buyurgan. Ushbu bahsda afrikalik hujumchi raqib darvozasini ishg‘ol etib, londonliklarda ijobiy taassurot qoldirgan.

Hozirda Osimxenning transfer narxi 75 million yevroga baholanmoqda, uning amaldagi shartnomasi esa 2029 yil yoziga qadar mo‘ljallangan. Joriy mavsumda forvard Turkiya chempionati va boshqa musobaqalarda jami 31 ta o‘yinda maydonga tushib, 21 ta gol va 7 ta golli uzatmaga mualliflik qildi.