Лондоннинг «Арсенал» клуби ёзги трансфер ойнасида ҳужум чизиғини кучайтириш мақсадида нигериялик тўпурар Виктор Осимҳен номзодини кўриб чиқмоқда. Бу ҳақда Caught Offside нашри хабар тарқатди.

Маълумотларга кўра, «канонирлар» спорт директори яқинда бўлиб ўтган «Галатасарой» ва «Фенербахче» (3:0) ўртасидаги Истанбул дербисига ташриф буюрган. Ушбу баҳсда африкалик ҳужумчи рақиб дарвозасини ишғол этиб, лондонликларда ижобий таассурот қолдирган.

Ҳозирда Осимхеннинг трансфер нархи 75 миллион еврога баҳоланмоқда, унинг амалдаги шартномаси эса 2029 йил ёзига қадар мўлжалланган. Жорий мавсумда форвард Туркия чемпионати ва бошқа мусобақаларда жами 31 та ўйинда майдонга тушиб, 21 та гол ва 7 та голли узатмага муаллифлик қилди.