O‘zbekiston Superligasining 10-turi doirasida Andijondagi «Bobur Arena» stadionida mahalliy «Andijon» hamda Samarqandning «Dinamo» jamoalari o‘rtasidagi uchrashuv yakuniga yetdi. Bahsda mezbonlar 2:1 hisobida irodali g‘alabani qo‘lga kiritishdi.
Uchrashuvning birinchi bo‘limida har ikki jamoada ham imkoniyatlar bo‘lgan bo‘lsa-da, hisob ochilmadi. Ikkinchi bo‘lim boshida, 52-daqiqada mehmonlar a’zosi Anvar Hojimirzayev samarqandliklarni oldinga olib chiqdi.
Biroq «Andijon» jamoasi so‘nggi daqiqalarda haqiqiy iroda ko‘rsatdi. Avvaliga 80-daqiqada Imeda Ashortia muvozanatni tiklagan bo‘lsa, oradan atigi ikki daqiqa o‘tib Damir Temirov raqib darvozasini ishg‘ol qilib, mezbonlarga muhim uch ochkoni taqdim etdi.
Ushbu g‘alabadan so‘ng «Andijon» ochkolari sonini 13 taga yetkazib, turnir jadvalida 8-o‘ringa ko‘tarilib oldi. «Dinamo» esa 8 ochko bilan 15-pog‘onaga tushdi.
Superliga. 10-tur
«Andijon» – «Dinamo» 2:1
Gollar: Imeda Ashortia (80), Damir Temirov (82) — Anvar Hojimirzayev (52).
«Andijon»: E.Adhamov, M.Mahamadjonov, O.Abdumajidov, N.CHalasan, D.Abdumannopov, M.Toirov, Dragan Cheran, A.Turg‘unboyev, A.Andronikashvili, U.Ismonaliyev, P.Xoldorxonov.
«Dinamo»: E.Nemanov, J.O‘rozov, J.Jumaboyev, M.Dembele, A.Hojimirzayev, S.Qodirqulov, R.Yo‘ldoshev, K.Sarfo, F.Abdurahmonov, J.Abdusalomov, A.Amonov.
