Ўзбекистон Суперлигасининг 10-тури доирасида Андижондаги «Бобур Арена» стадионида маҳаллий «Андижон» ҳамда Самарқанднинг «Динамо» жамоалари ўртасидаги учрашув якунига етди. Баҳсда мезбонлар 2:1 ҳисобида иродали ғалабани қўлга киритишди.

Учрашувнинг биринчи бўлимида ҳар икки жамоада ҳам имкониятлар бўлган бўлса-да, ҳисоб очилмади. Иккинчи бўлим бошида, 52-дақиқада меҳмонлар аъзоси Анвар Ҳожимирзаев самарқандликларни олдинга олиб чиқди.

Бироқ «Андижон» жамоаси сўнгги дақиқаларда ҳақиқий ирода кўрсатди. Аввалига 80-дақиқада Имеда Ашортиа мувозанатни тиклаган бўлса, орадан атиги икки дақиқа ўтиб Дамир Темиров рақиб дарвозасини ишғол қилиб, мезбонларга муҳим уч очкони тақдим этди.

Ушбу ғалабадан сўнг «Андижон» очколари сонини 13 тага етказиб, турнир жадвалида 8-ўринга кўтарилиб олди. «Динамо» эса 8 очко билан 15-поғонага тушди.

Суперлига. 10-тур

«Андижон» – «Динамо» 2:1

Голлар: Имеда Ашортиа (80), Дамир Темиров (82) — Анвар Ҳожимирзаев (52).

«Андижон»: Э.Адҳамов, М.Маҳамаджонов, О.Абдумажидов, Н.Чаласан, Д.Абдуманнопов, М.Тоиров, Драган Черан, А.Турғунбоев, А.Андроникашвили, У.Исмоналиев, П.Холдорхонов.

«Динамо»: Э.Неманов, Ж.Ўрозов, Ж.Жумабоев, М.Дембеле, А.Ҳожимирзаев, С.Қодирқулов, Р.Йўлдошев, К.Сарфо, Ф.Абдураҳмонов, Ж.Абдусаломов, А.Амонов.