«Milan»ning sobiq yarim himoyachisi Klarens Zeedorf Chempionlar ligasi 1/2 finalining «Bavariya»ga qarshi dastlabki o‘yinida (5:4) dubl qayd etgan «PSJ» vingeri Xvicha Kvarasxeliyani dunyoning eng yaxshi futbolchisi deb atadi.

«Kvarasxeliya — dunyodagi eng yaxshi futbolchi. U hali yanada o‘sishda davom etadi. U chap qanotda o‘ynashda davom etadimi yoki yo‘q, bilmayman, chunki u har qanday vaziyatda nima qilish kerakligini yaxshi biladi.

Muayyan daqiqalarda u butun jamoani o‘z ortidan ergashtira oladi. Menga uning o‘yin intellekti juda yoqadi. U yarim himoyada qo‘shimcha kuch bo‘lish bilan birga, hujumga ham katta hissa qo‘shadi. U shunchaki aql bovar qilmas o‘yinchi.

Menimcha, Xvicha uchun maydon markazida ham bo‘sh hududlar bor — bu qaysidir ma’noda Usmon Dembelening harakatlariga o‘xshab ketadi. Xvicha o‘zi tushib qolgan har qanday vaziyatda to‘g‘ri qaror qabul qila oladi.

Menga uning xarakteri yoqadi: qiyin vaziyatlarda jamoani qutqara oladi, doimo himoyaga qaytadi. U menga Ueyn Runini eslatib yuboradi. O‘yinning murakkab pallalarida u yarim himoyadagi qo‘shimcha o‘yinchiga aylanadi va vaziyatlar yaratadi», — dedi Klarens Zeedorf Amazon Prime efirida.