«Милан»нинг собиқ ярим ҳимоячиси Кларенс Зеедорф Чемпионлар лигаси 1/2 финалининг «Бавария»га қарши дастлабки ўйинида (5:4) дубль қайд этган «ПСЖ» вингери Хвича Кварацхелияни дунёнинг энг яхши футболчиси деб атади.

«Кварацхелия — дунёдаги энг яхши футболчи. У ҳали янада ўсишда давом этади. У чап қанотда ўйнашда давом этадими ёки йўқ, билмайман, чунки у ҳар қандай вазиятда нима қилиш кераклигини яхши билади.

Муайян дақиқаларда у бутун жамоани ўз ортидан эргаштира олади. Менга унинг ўйин интеллекти жуда ёқади. У ярим ҳимояда қўшимча куч бўлиш билан бирга, ҳужумга ҳам катта ҳисса қўшади. У шунчаки ақл бовар қилмас ўйинчи.

Менимча, Хвича учун майдон марказида ҳам бўш ҳудудлар бор — бу қайсидир маънода Усмон Дембеленинг ҳаракатларига ўхшаб кетади. Хвича ўзи тушиб қолган ҳар қандай вазиятда тўғри қарор қабул қила олади.

Менга унинг характери ёқади: қийин вазиятларда жамоани қутқара олади, доимо ҳимояга қайтади. У менга Уэйн Рунини эслатиб юборади. Ўйиннинг мураккаб паллаларида у ярим ҳимоядаги қўшимча ўйинчига айланади ва вазиятлар яратади», — деди Кларенс Зеедорф Amazon Prime эфирида.