Shu yilning aprel oyida iste’foga chiqarilgan «Chelsi»ning sobiq murabbiyi Liam Rosenyor shartnomasining qolgan qismi uchun ko‘zda tutilgan barcha mablag‘larni olmaydigan bo‘ldi. Bu haqda BBC nashri xabar bermoqda.

Mutaxassis bu borada allaqachon xabardor qilingan. Avvalroq OAVda tovon puli miqdori 27 million yevrogacha yetishi haqidagi raqamlar paydo bo‘lgan edi. Aniq summa faqat kelasi yili, «Chelsi»ning moliyaviy hisoboti hukumat saytlaridan birida e’lon qilinganidan keyin ma’lum bo‘ladi. Biroq hozirning o‘zidayoq to‘lovlar miqdori aytilgan raqamlardan ancha past bo‘lishi aniq.

Rosenyor o‘z lavozimida bor-yo‘g‘i 3 oy ishladi. Hozirda «Chelsi» Angliya chempionatida 34 ta o‘yindan so‘ng 48 ochko bilan sakkizinchi o‘rinni egallab turibdi.