Madridning «Atletiko» klubi sport direktori Mateu Alemani Chempionlar ligasi yarim finali doirasidagi Londonning «Arsenal» jamoasiga qarshi o‘yindagi hakamlik haqida o‘z fikrini bildirdi.
Uchrashuv 1:1 hisobida yakunlandi — har ikki gol ham penaltidan kiritildi. 44-daqiqada Viktor Dyokeresh zarbada adashmagan bo‘lsa, 56-daqiqada Xulian Alvares ajralib turdi.
«Arsenal» foydasiga belgilangan penalti biznikiga qaraganda ancha bahsli edi. Juda yengil kontakt — Yevropada odatda bunday vaziyatlar uchun penalti berilmaydi. Ammo hakam nuqtaga ishora qilishi bilan VAR bu qarorni bekor qilmasligini tushundim. Afsuski, bugun shunchaki omadimiz kelmadi», — deya Ispaniya OAVlari Alemanining so‘zlaridan iqtibos keltirmoqda.
Keyingi seshanba kuni «Emireyts» stadionida javob uchrashuvi bo‘lib o‘tadi.
