Angliyaning «Liverpul» klubi jamoa hujumchisi Muhammad Salohning sog‘lig‘i borasidagi so‘nggi ma’lumotlarni ochiqladi. Klub rasmiy saytida e’lon qilingan bayonotga ko‘ra, misrlik futbolchining jarohati xavotirli emas.
«Liverpul» FK shuni tasdiqlaydiki, Muhammad Saloh ushbu mavsum yakuniga qadar yana maydonga tushishga tayyor bo‘lishi kutilmoqda», — deyiladi rasmiy xabarda.
Eslatib o‘tamiz, Saloh o‘tgan shanba kuni «Kristal Pelas»ga qarshi kechgan bahsning ikkinchi bo‘limida jarohat olib, maydonni tark etgan edi. Tibbiy ko‘riklar natijasida futbolchida kichik mushak jarohati aniqlangan.
