Англиянинг «Ливерпуль» клуби жамоа ҳужумчиси Муҳаммад Салоҳнинг соғлиғи борасидаги сўнгги маълумотларни очиқлади. Клуб расмий сайтида эълон қилинган баёнотга кўра, мисрлик футболчининг жароҳати хавотирли эмас.
«Ливерпуль» ФК шуни тасдиқлайдики, Муҳаммад Салоҳ ушбу мавсум якунига қадар яна майдонга тушишга тайёр бўлиши кутилмоқда», — дейилади расмий хабарда.
Эслатиб ўтамиз, Салоҳ ўтган шанба куни «Кристал Пэлас»га қарши кечган баҳснинг иккинчи бўлимида жароҳат олиб, майдонни тарк этган эди. Тиббий кўриклар натижасида футболчида кичик мушак жароҳати аниқланган.
