Fransiya terma jamoasi bosh murabbiyi Didye Desham «Real» boshqaruvini qo‘lga olishi mumkin.
Jurnalist Ramon Alvares de Monning ma’lumotlariga ko‘ra, Madrid klubi rahbariyati Deshamni yuqori baholamoqda. Shuningdek, «qaymoqranglilar» tarkibidagi fransuz futbolchilari ham Didye haqida ijobiy fikr bildirishgan.
Biroq, murabbiyning «Real»ga tayinlanishida Jahon chempionati to‘sqinlik qilishi mumkin. Madrid klubi yangi murabbiy JCH-2026 boshlanishidan oldin tayinlanishini istamoqda.
Didye Desham 2012 yildan beri Fransiya terma jamoasini boshqarib kelmoqda. Uning qo‘l ostida «uch ranglilar» Rossiyada o‘tgan 2018 yilgi Jahon chempionatida, shuningdek, 2021 yilda Millatlar ligasida g‘olib chiqishgan.













