Франция терма жамоаси бош мураббийи Дидье Дешам «Реал» бошқарувини қўлга олиши мумкин.
Журналист Рамон Альварес де Моннинг маълумотларига кўра, Мадрид клуби раҳбарияти Дешамни юқори баҳоламоқда. Шунингдек, «қаймоқранглилар» таркибидаги француз футболчилари ҳам Дидье ҳақида ижобий фикр билдиришган.
Бироқ, мураббийнинг «Реал»га тайинланишида Жаҳон чемпионати тўсқинлик қилиши мумкин. Мадрид клуби янги мураббий ЖЧ-2026 бошланишидан олдин тайинланишини истамоқда.
Дидье Дешам 2012 йилдан бери Франция терма жамоасини бошқариб келмоқда. Унинг қўл остида «уч ранглилар» Россияда ўтган 2018 йилги Жаҳон чемпионатида, шунингдек, 2021 йилда Миллатлар лигасида ғолиб чиқишган.













