«Manchester Yunayted» va «Aston Villa» klublarining sobiq himoyachisi Eshli Yang faoliyatini yakunlashini ma’lum qildi. Hozirda «Ipsvich» sharafini himoya qilayotgan 40 yoshli futbolchi ijtimoiy tarmoqlardagi sahifasi orqali Chempionshipning so‘nggi turi doirasida shanba kuni KPRga qarshi bo‘ladigan o‘yin uning faoliyatidagi oxirgisi bo‘lishini xabar qildi.
«Bu bolaligimda faqat orzu qilishim mumkin bo‘lgan sayohat edi. Ammo har qanday orzuning nihoyasi bo‘ladi va shanba kungi bahs mening professional faoliyatimdagi so‘nggisi bo‘lishi mumkin. 23 yil — va mana final! Davomi hali oldinda», — deb yozdi Yang.
Eshli Yang «Manchester Yunayted» tarkibida Angliya chempioni, Yevropa ligasi g‘olibi, Angliya kubogi va Superkubogi sohibi bo‘lgan, shuningdek, «Inter» safida «skudetto»ni (Italiya chempionligini) qo‘lga kiritgan.
