Ispaniya terma jamoasi bosh murabbiyi Luis de la Fuente Lamin Yamalning jarohati haqida fikr bildirdi. «Barselona» vingeri joriy mavsum yakuniga qadar safdan chiqdi, shuningdek, u jahon chempionatining boshlanishini ham o‘tkazib yuborish xavfi ostida turibdi.
«Tarkibni shakllantirishda biz barcha mumkin bo‘lgan ssenariylarni hisobga olamiz. Shunday futbolchilar borki, ular hatto 20 daqiqa ichida ham katta hissa qo‘sha olishadi, bu esa juda muhim. Dani Olmoni eslang: u o‘tgan Yevropa chempionatiga qisman jarohat bilan kelgan edi, uni deyarli hisobdan chiqarib qo‘yishgandi, lekin yakunda u butun turnirning asosiy figurasiga aylandi», — deya de la Fuentening so‘zlarini keltiradi Ispaniya OAVlari.
15 iyun kuni ispaniyaliklar jahon chempionati guruh bosqichining birinchi turida Kabo-Verde terma jamoasi bilan to‘qnashuv kelishadi. 21 iyun kuni Saudiya Arabistoniga qarshi bahs bo‘lib o‘tadi, 27 iyunda esa «qizil furiya» Urugvay bilan kuch sinashadi.
