Испания терма жамоаси бош мураббийи Луис де ла Фуэнте Ламин Ямалнинг жароҳати ҳақида фикр билдирди. «Барселона» вингери жорий мавсум якунига қадар сафдан чиқди, шунингдек, у жаҳон чемпионатининг бошланишини ҳам ўтказиб юбориш хавфи остида турибди.
«Таркибни шакллантиришда биз барча мумкин бўлган сценарийларни ҳисобга оламиз. Шундай футболчилар борки, улар ҳатто 20 дақиқа ичида ҳам катта ҳисса қўша олишади, бу эса жуда муҳим. Дани Ольмони эсланг: у ўтган Европа чемпионатига қисман жароҳат билан келган эди, уни деярли ҳисобдан чиқариб қўйишганди, лекин якунда у бутун турнирнинг асосий фигурасига айланди», — дея де ла Фуэнтенинг сўзларини келтиради Испания ОАВлари.
15 июнь куни испанияликлар жаҳон чемпионати гуруҳ босқичининг биринчи турида Кабо-Верде терма жамоаси билан тўқнашув келишади. 21 июнь куни Саудия Арабистонига қарши баҳс бўлиб ўтади, 27 июнда эса «қизил фурия» Уругвай билан куч синашади.
