So‘nggi bir necha hafta davomida turli OAVlarda Myunxenning «Bavariya» klubi himoyachi Alfonso Devisni sotib yuborishi mumkinligi haqida ma’lumotlar paydo bo‘ldi. Boshqa xabarlarda esa «Bavariya» kanadalik futbolchini sotishni rejalashtirmayotgani, biroq manfaatli taklif tushsa, uni rad etmasligi ta’kidlangan edi.

Endi Sky Germany jurnalistlari Florian Plettenberg va Kerri Xauning ta’kidlashicha, Devis hattoki «aql bovar qilmaydigan» taklif tushgan taqdirda ham «Bavariya»ni tark etishni istamayapti. Hozirda Devis jamoaning eng ko‘p maosh oluvchi futbolchilaridan biri hisoblanadi — uning yillik daromadi bonuslar bilan birga taxminan 20 million yevroni tashkil qiladi.

Devisning klub bilan amaldagi shartnomasi 2030 yilgacha mo‘ljallangan.