Сўнгги бир неча ҳафта давомида турли ОАВларда Мюнхеннинг «Бавария» клуби ҳимоячи Альфонсо Дэвисни сотиб юбориши мумкинлиги ҳақида маълумотлар пайдо бўлди. Бошқа хабарларда эса «Бавария» канадалик футболчини сотишни режалаштирмаётгани, бироқ манфаатли таклиф тушса, уни рад этмаслиги таъкидланган эди.
Энди Sky Germany журналистлари Флориан Плеттенберг ва Керри Хаунинг таъкидлашича, Дэвис ҳаттоки «ақл бовар қилмайдиган» таклиф тушган тақдирда ҳам «Бавария»ни тарк этишни истамаяпти. Ҳозирда Дэвис жамоанинг энг кўп маош олувчи футболчиларидан бири ҳисобланади — унинг йиллик даромади бонуслар билан бирга тахминан 20 миллион еврони ташкил қилади.
Дэвиснинг клуб билан амалдаги шартномаси 2030 йилгача мўлжалланган.
