«Bavariya»ning o‘ng qanot himoyachisi Konrad Laymer shu yozdayoq jamoani tark etishi mumkin. Avstriyalik futbolchining amaldagi shartnomasi 2027 yilning o‘rtalariga qadar mo‘ljallangan.
Myunxen grandi kelishuvni uzaytirishga qarshi emas, biroq futbolchining ish haqi borasidagi joriy talablarini (yiliga 12-15 million yevro) qondirish niyatida emas. Bu haqda Bayern & Germany nashri Bild jurnalistlariga tayanib xabar bermoqda. Klub Laymerni oldindagi transfer oynasida sotishga tayyor, shuningdek, uning keyingi mavsum yakunida erkin agent sifatida ketishiga ham ruxsat berilishi istisno etilmayapti.
Konrad Laymer 2023 yilda «RB Leypsig»dan «Bavariya»ga o‘tgan edi. Joriy mavsumda 28 yoshli futbolchi myunxenliklar safida barcha turnirlarda 42 ta o‘yinda maydonga tushib, 3 ta gol va 12 ta golli uzatmani amalga oshirdi.
