Argentinalik futbolchi Rodrigo de Paul 2022 yilgi Jahon chempionatidagi g‘alabadan so‘ng Lionel Messidan olgan sovg‘asini yodga oldi. O‘shanda milliy terma jamoa sardori har bir jamoadoshiga oltindan ishlangan eksklyuziv iPhone sovg‘a qilgan edi.

De Paulning tushuntirishicha, sovg‘alar avvaliga mahfiy tarzda topshirilgan — Messi kim sovg‘a qilayotganini ochiqlashni istamagan.

«Umid qilamanki, sovg‘a sizlarga yoqdi. Sizlar — oltin o‘yinchisiz va bunday sovg‘alarga loyiqsiz. Bu mamlakatimiz va men uchun qilgan ishlaringiz uchun mening minnatdorchilik belgimdir. Sizlar — g‘olibsiz», — deb yozilgan xabarni Messi keyinchalik barcha jamoadoshlariga yuborgan.

Eslatib o‘tamiz, Argentina terma jamoasi 2022 yilda XXI asrdagi ilk Jahon chempionligini qo‘lga kiritgan edi.