Аргентиналик футболчи Родриго де Пауль 2022 йилги Жаҳон чемпионатидаги ғалабадан сўнг Лионель Мессидан олган совғасини ёдга олди. Ўшанда миллий терма жамоа сардори ҳар бир жамоадошига олтиндан ишланган эксклюзив iPhone совға қилган эди.

Де Паульнинг тушунтиришича, совғалар аввалига маҳфий тарзда топширилган — Месси ким совға қилаётганини очиқлашни истамаган.

«Умид қиламанки, совға сизларга ёқди. Сизлар — олтин ўйинчисиз ва бундай совғаларга лойиқсиз. Бу мамлакатимиз ва мен учун қилган ишларингиз учун менинг миннатдорчилик белгимдир. Сизлар — ғолибсиз», — деб ёзилган хабарни Месси кейинчалик барча жамоадошларига юборган.

Эслатиб ўтамиз, Аргентина терма жамоаси 2022 йилда XXI асрдаги илк Жаҳон чемпионлигини қўлга киритган эди.